Í þetta skipti fengum við þau skilaboð að á mánudeginum ættum við að koma okkur burt frá skólanum og máttum ekki venda tilbaka fyrr en 24 tímum seinna.. Allt sem við fengum í hendurnar voru 20 kr á mann fyrir mat, plastdúkur, reipi og prímus. Þetta er útkoman :)

Lagt í hann frá skólanum :)

 

Til að vera svoldið hugmyndaríkar ákváðum við að fara í flöskuleit og safna þannig pening fyrir meiri mat. Þetta er það fyrsta sem við fundum - takið eftir 11 krónunum, sem við fundum á jörðinni.. :P

 

Tja, maður leggst ansi lágt fyrir ferðasúkkulaðið ;)

 

Græddum heilar 19 krónur á flöskuleitinni, auk þessara 11 sem við fundum :P

 

Fengurinn!

 

Hér skulum við búa - og svo var eldaður hádegismatur, núðlur í tonnatali!

 

Svo var rifist aðeins við tréin, sem vildu ekki fórna sér fyrir "gapahuggen" okkar..

Sögin mín trygga, en litla koma til aðstoðar!

Eftir ákveðið langa tíma.. fékk ég mínu framgengt!

ELSKU buksurnar mínar fengu að kenna á því þegar tréin ákváðu að hefna sín! :( Ætlaði ekki að trúa þessu! :(

Fyrsta tilraun, vorum ekki alveg sáttar..

 

Þannig að að lokum vorum við komnar með veggi og auka þak :)

 

...svo var að finna sé eitthvað að gera - eitt af því "Tree surfing"

 

..annað - Könglastríð!

..og könglahafnabolti! :D

Morguninn eftir vöknuðum við svo ferskar! Og okkur til allrar furðu, þurrar og allt annað en kaldar! - eftir heila nótt með rigningu og hagléli þá hefði maður búist við öðru ;)

 

Morgunmatur - Núúúðlur! :D

Búnar að pakka saman og tilbúnar í heimferð! :)

 

Hoppumyndirnar alltaf vinsælar :) Góða skapi á leiðinni með heim allavegana :P

 

Sorglegt en satt, þá er skólaárið á enda..  en við erum ekki búin enþá og við sjáum hvað meira spennandi gerist núna undir lokin! Annars verð ég að segja að ég hlakka oggu ponsi lítið til að komast heim á klakann aftur :P

 

Olga

 

 

..en eftir að hafa starað á skjáinn allt of lengi án þess að koma upp orði ákvað ég að skrifa bara svona "ég er á lífi" blogg. :)

Já, ég er sem sagt á lífi. Komin tilbaka frá Egyptalandi, aftur í skólann, farin úr skólanum aftur í páskafrí og komin, enn og aftur, tilbaka í skólann. Ég hef aldrei áður upplifað skólaár með svona miklum fríum. Finnst ég alltaf vera að ferðast fram og tilbaka frá litla, krúttlega húsinu í Vikedal, sem er í senn svo kósý en svo spooky :P

Eftir að hafa komið heim úr hitanum í Egyptalandi var okkur hent beint út í ískaldan sjóinn í Noregi! Ég surfaði eins og ég hefði aldrei surfað áður, sem ég hef auðvitað ekki gert, og eftir tvo langa daga í sjónum með tilheyrandi slagsmálum við öldurnar og brettið, þá var ég orðin helmingi flinkari en flóðhestur á brimbretti.. sem sagt alveg jafn léleg og þegar ég byrjaði :P Auk þess að eitt skiptið missti ég stjórnina á brettinu mínu, sem ákvað svo að ráðast á mig, þar sem það kom á fullri ferð tilbaka og ég fékk kantinn á brettinu beint yfir hálsinn og drukknaði aðeins. Þegar ég loksins kom mér upp úr sjónum og fékk andann aftur, þá gat ég ekki talað - örugglega mörgum til mikils léttis. Ég er nefnilega orðin svo góð í norsku að ég er farin að segja brandara af og til.. og allir sem þekkja mig vita hvernig það fer. :P

Til að sjá til þess að við værum nú alveg örugglega kæld niður eftir heitar 4 vikur í útlandinu vorum við næst send út í snjóinn, þar sem við áttum að sofa í tvær nætur. Eftir heimsins styrstu skíðaferð trömpuðum við á snjónum, skelltum upp tjöldum og byggðum veggi. Þegar kvölda tók vorum við komin með heljarinnar "base-camp". Vegna þess að það snjóaði stanslaust allan tímann gekk ekki að kveikja bál þannig að ef þér var kalt þá var þinn eini valkostur að "fara út" og skokka einn eða tvo hringi kringum campinn. Svo þarna vorum við 40 nemendur út í myrkrinu og snjónum, skokkandi um í hringi. :) Daginn eftir var svo tekin ákvörðum um að halda heim á leið seinni part dags vegna 14 blautra svefnpoka og engra þurra eldspýtna. :) Flestir voru fegnir þegar við skíðuðum tilbaka að bílunum eftir að hafa eytt seinni deginum í að grafa sig niður í snjóinn eða læfa sig í snjóflóðaleit. Ég hefði alveg getað verið þarna eina nótt í viðbót.. *ehm* eða það hefði kannski verið svoldið kalt.. eða.. *ehm* ég hefði svo sem alveg lifað það af. :P

Páskafrípáskafrípáskafrí... já, næst var páskafrí. Ég og Marina hoppuðum upp í flugvél sem flutti okkur til Bergen og næst rútu sem keyrði okkur til Vikedal. Eftir það er nú ei mikið að segja... 10 RÓLEGIR dagar með sjónvarpsglápi, stígvélaferðum og gífurlega frumlegum mat :)

Loksins bloggaði ég aftur.. og ég vona að fólk hafi ekki afskrifað mig enþá. Verð bara að viðurkenna að það var bara of mikið að blogga um Egyptalandsferðin, hefði aldrei getað stoppað ef ég hefði byrjað :P Ef þú vilt ferðasöguna þá er það bara að hafa samband og ég sagt þér hana... mundu bara að tæma dagskránna fyrst, því það gæti tekið smá stund. :D

Olga Ingrid

..er geggjad! Thad hefur verid einstaklega erfitt ad komast i netsamband thar sem vid hofum verid og oftast hefur ekki verid simasamband heldur. Nu thegar eg komst loksins i tolvu er thad halftimi a mann.. svo stutt og laggott verdur thad. :)
Byrjadi med thrja daga i eydimorkinni. Ridum a dromedorum (ekki kamel :P) cirka 8 tima a dag i steikjandi sol og hita. Svafum undir berum himni, pissudum bakvid steina og donsudum i kringum balid med infaeddum a kvoldin. Sturtan eftir thessa daga hefdi verid yndisleg ef thad hefdi verid vatn i henni :P
Var vel steikt i harsverdinum og uppetin af poddum eftir ferdina en i skyjunum yfir upplifuninni. Get varla lyst thvi hvernig thad er a liggja einhversstadar i Sahara a teppi a sandinum og horfa upp a stjornubjartann himinn adur en thu sofnar.





Eftir eina nott a hoteli med sturtu! :) i Kairo tok vid 12 tima rutuferd til Marsa Nakari. I 6 daga var thad sjor, salt og shisha sem var malid. Eg fekk tvo yndisleg mybit a augnlokid og leit thvi ut eins og quasimodo eftir hverja kofun thar sem thad atti til a bolgna pinu extra vid thrysinginn... I thessa 6 daga bjuggum vid i tjaldi a strondinni sem var yndislegt. Stort tjald med threm rumum og einni ljosaperu. Madur sofnadi i svarta myrkri vid nidinn fra sjonum. Komin med kafaraprof og a eftir a sakna folksins i Nakari! Oturlega spes a anda a 18 metra dypi verd eg a segja...

Nu erum vid i Aswan og holdum af stad i felukka ferd (sigla upp Nil) til Luxor. Tekur fjora daga og verdur abyggilega eins frabaert og allt annad!

Gaeti skrifad svo miklu meira og finnst eg ekki na ad koma thi i ord hvernig ferdin hefur verid. En nu stendur folk og bidur eftir ad eg er buin svo ..got to go :P

Held að það sé best að byrja á einni eða tveimur myndum, sem segja allt sem segja þarf að mínu mati!

Þarna vorum við, egyptararnir og vatnafólkið, í þrjá daga á skíðum og snjóbrettum og höfðum það yndislegt! Ég var í himnaríki allan tímann sem ég var þarna. Hefði getað farið að grenja þegar við þurftum að fara, þrátt fyrir að það sem beið manns var Egyptalandsferðin!

Skólinn leigði skíða- og snjóbrettakennara, sem kom sér ekki illa fyrir íslendinginn sem gat varla staðið í lappirnar með skíðin smellt á. Fyrsta kvöldið fékk ég einn kennara útaf fyrir mig í fjóra tíma og kraftaverkin gerast, ég lærði að renna mér og sviga á skíðum! :O Næstu dagarnir fóru að mestu í snjóbrettið og fyrir ykkur sem fylgist með hefði án efa verið gaman að vera fluga á vegg í bústaðnum okkar á kvöldin, þar sem fólk sat hér og þar og brosti út að eyrum án þess að vita afhverju. Það var svo flott færi og flott veður að maður gat ekki annað en brosað allan sólarhringinn í þessa þrjá daga!

Erum við ekki flinkar :P


Annars hefur ýmislegt gert frá því ég kom aftur eftir jólafríið (man ekki hvort ég bloggaði eftir að ég kom tilbaka eða ekki og nenni ekki að tékka á því:P) Þriggja daga hlutverkaleikur í skólanum þar sem allir nemendurnir fluttust aftur í tímann til ársins 1832 í London. Ég var "Sandra Mariasson", íslenskur innflytjandi, sem sagði allt á íslensku fyrst og svo á norsku. Meðlimur í AA-samtökunum og fátækur jógakennari. Í þessa þrjá daga fengum við ýmis verkefni sem við áttum að leysa til að fá laun fyrir daginn til að kaupa mat. Þar sem ég var útnefnd fátæk frá byrjun hafði ég sjaldan efni á öðrum mat en brauði, smjöri og vatni og strax á öðrum degi voru garnirnar farnar að gaula og íslenski innflytjandinn með allan sinn sjálfsaga laumaðist niður í búð og keypti sér nugatti! :S Hefði getað lent í fangelsi fyrir það djarfa verk þar sem löggan laumaðist um og böstaði fólk, sem ekki hagaði sér. Nóttina áður en leikurinn var búinn vorum við öll vakin kl 03.00 þar sem "London" brann. Við vorum rekin niður að höfn þar sem búin var til manngarður sem flutti með sér fötur af sjóvatni upp að skólanum. Að lokum náðist að slökkva brunann, sem var í raun bara bál í grilli, og við fengum að fara aftur að sofa. Sérstök og spennandi tilbreyting á hverdaginum og ég verð að viðurkenna örlítið pirrandi að sitja við "fátæka borðið" með brauð og vatn horfandi á aðalinn japla á egg og laxi..
En lét mann hugsa, ekki geta þeir sem virkilega eru fátækir laumast út í búð og keypt sér nugatti (sem er súkkulaðiálegg fyrir þá sem ekki vissu það:P)

Eins og er sit ég í litla(stóra), sæta húsinu okkar í Vikedal. Mamma og pabbi voru svo góð að koma og halda mér félagsskap hérna í vetrarfríinu og svo fæ ég að fljóta með þeim til Osló þar sem ég á að mæta á flugvöllinn þar strax eftir vetrarfríið.

Næst á dagskrá: EGYPTALAND!!
Næsta miðvikudag verð ég komin út í eyðimörkina, sit á bakinu á kameldýri og gleypi sand! Kafandi í Rauða hafinu í heila viku og vappandi á milli staða í Dal Konungana! Við sjáum til hvort ég komist ekki alveg örugglega inn á netið inn á milli til að láta heyra frá mér.. :P

Lokins er tölvan mín komin aftur í lag og aftur get ég hafist handa við þann tímagleypir sem hún er... og jafnvel bloggað af og til. :) Enn og aftur ætla ég að gera tilraun til að skrifa styttra blogg þannig að ég geti mögulega hugsað mér að skrifa aftur á næstunni.

Síðan seinast hef ég keppt í sunddansi (og unnið btw..:P), æft mig á snjóbretti, komið á langþráða heimsókn heim til Íslands, haldið gleðileg jól og ferðast aftur til Noregs með tilheyrandi flugferðaveseni. 
Jólin heima einkenndust af vinnu og aftur vinnu, sem er auðvitað eitthvað sem ég þurfti á að halda þar sem að ég á að kallast fátækur námsmaður í stóra útlandinu. En eins og alltaf þá tókst okkur að halda jólin og það er alltaf jafn notalegt. Æðislegt að hafa Júlíu og fjölskyldu heima um jólin líka og fylgjast með litla kút fá hvern pakkann í fætur öðrum.. og ekki minnst minna hann aðeins á Olgu frænku sína svo hann gleymi mér nú ekki alveg. :) 
Ég heilsaði upp á fólkið í álverinu í eina syrpu milli jóla og nýárs og skundaði svo aftur í skólann þann 4.janúar.

Um leið og ég settist upp í flugvélina á leið til Oslóar var ég viss um að það myndi verða eitthvað vesen á leiðinni.. kannski vegna þess að fröken bjartsýn hér pantaði sér miða í innanlandsflug frá Osló til Örsta, sem átti að fara í loftið ekki nema 40 mínútum eftir að flugvélin sem færði mig frá Íslandinu góða lenti. Auðvitað varð seinkun á vélinni frá Íslandi þannig að þegar ég var loksins komin út voru ekki nema 20 mínútur í næsta flug. Ég hljóp móð og másandi að færibandinu þar sem taskan mín átti víst að hafa fengið sér meðferð til að koma henni sem fljótast í mínar hendur. En svo var ekki. Næst seinust kom ferðataskan mín góða og ég leit á klukkuna... 8 minutes to takeoff!
3 afar sveittum mínútum seinna náði ég að innritunarborðinu og kreisti út milli andkafanna að ég myndi gjarnan vilja komast með fluginu til Örsta. Þar fékk ég þær góðu fréttir að vélin væri "boarding complete" og komin í loftið. 5 MIN FYRIR TÍMANN!
Það eins sem mér datt í hug að segja var: "BÆSJ"

Eftir skemmtilegt samtal við ekki svo geðgóða SAS afgreiðslukonu komst ég að því að flugfélagið ætlaði að vera svo vingjarnlegt að leyfa mér að kaupa nýjann miða í næsta flug, daginn eftir... Fátæki námsmaðurinn sem ég er reyndi smjaður, grátur og tilraun til að selja sálu mína.. en ekkert gekk. Þar sem ég hafði keypt miðana í sitthvoru lagi á netinu, var ekkert hægt að gera! Ef ég hefði nú barið flogið til Osló og tilbaka til að kaupa mér miða í útibúi hefði þetta sko ekki verið vandamálið... ?! Ætli maður byggi sér ekki bara fleka og sigli heim næst :)

Þar sem ég á góða að bæði á Íslandi og í Noregi fann ég þá út eftir nokkur símtöl að það færi næturrúta frá flugvellinum til Örsta rúmlega klukkutíma seinna. Hún varð fyrir valinu og tók við ólýsanlega eirðarlaus 10 tíma rútuferð. Eftir að hafa lagt af stað frá Skipasundinu kl fjögur að norskum tíma komst ég loks á leiðarenda hingað í Örsta um hálf níu daginn eftir. Þá var vaðið snjóinn með farangurinn í eftirdragi upp að skóla og mætt beint í skólann. Talandi tungum hrundi ég svo í rúmið eftir gífurlega erfiða heimildarmynd, endalaus "gott nyttår og velkommen tilbake" knús og þó nokkrar tilraunir til að fá saumavélina í valfaginu til að hlýða mínum vilja... kl fimm um daginn.

Planið fram að vetrarfríi er fullbókað og verður spennandi að sjá hvort ég komist lifandi niður úr bröttum skíðaferðum og snjóflóðabjörgunarnámskeiðum. Svo heyrði ég tal um að bekkurinn ætti að halda vikunámskeið í útvist fyrir stóran hóp af fötluðu fólki... tja, maður prófar allt einu sinni!

Læt heyra í mér bráðum
Olga Ingrid

Nokkrar myndir:
 

 
Í labbitúr eftir heilan dag með köfun í sjónum :)

 
Vel innpökkuð á skautum =D Ég og Marina á myndinni.

 
Ég á líka górillugrímu sem kemur stundum að góðum notum :) 

Jæja, nú er bloggpásan yfirstaðin, gleðin að koma aftur á yfirborðið eftir smá sukk í kreppuáhyggjum og kominn tími á uppfærslu :)
Síðan seinast hef ég haft ýmislegt að dunda mér við.. haustfrí, timburvinnsla, prjónaskapur og sjónvarpsgláp, Danmerkurferð, 18 tíma ferðalag heim frá Danmörku, áttavilltir dagar í skóginum, letihelgi, allt of blaut hjólaferð og súrefnisfirrt köfun. :)

Eftir ótrúlega kósý en þó örlítið spooky viku í Ålvik vaknaði ég fyrir kl 06.00 á laugardagsmorgni og skundaði á strætóstöð. 10 tímum seinna labbaði ég út úr tollinum í Kastrup þar sem tvær svartklæddar stúlkukindur með skilti sem á stóð "Mr. Burgundy". Ég var búin að stressa mig upp við tilhugsunina að henda mér í lestarkerfið þarna úti þannig að það tók mig smá tíma að átta mig á því að þetta væru þær, komnar alla leið á flugvöllinn að sækja mig.. sætu stelpurnar mínar =D

Eftir frábæra stelpuhelgi með viðeigandi Olgueldamennsku, Sex and the City maraþoni og bæjarferð var Hulda komin með nóg af draslinu eftir okkur í litlu sætu íbúðinni og sendi mig heim. :P Hulda og Helga voru yndislegar og vöknuðu með mér kl 04.00 á þriðjudagsmorgninum og fylgdu mér að lestinni sem skutlaði mér upp á flugvöll. Mín beið 18 tíma ferðalag með lestu, flugvél og endalausri rútuferð. Ég fékk nægan tíma til að hugsa um alla leiðinlegu danina, sem eru búnir að taka upp alvaralega fordóma gegn Íslendingum. Mig grunar að danir hafi alltaf hugsað illa til okkar útaf íslenskri útrás í Danaveldi og haugum af Íslendingum sem flytjast til landsins og hafi nú loksins fengið afsökun til að láta þetta hatur til okkar í ljós. Þeir eru búnir að ákveða það að Íslendingar eru fátæklingar og glæpamenn til hópa... ekki ósvipað þeim skoðunum sem Íslendingar hafa myndað sér á til að mynda.. Pólverjum. Tók þetta mjög nærri mér og er sjálf búin að ákveða að Danir eru úrkynjaðir upp til hópa og það eigi að læsa þá alla inni... Skemmtilegt hvernig fordómar geta ferðast hring eftir hring og allir eru á móti þeim en enginn er saklaus af þeim..

Eftir æsispennandi rútuferð með ótrúlegustu svefnstellingum og tilraunum til að prjóna eða lesa. Ég verð alltaf að reyna, þó ég viti að um leið og ég einbeiti mér að einhverju öðru en að glápa upp í himininn þá fer jafnvægisskynið út um gluggann..
Skemmtilegt var það samt að koma aftur í skólann þar sem fólk tók á móti mér með faðmlögum og brosum. Einhver hafði ákveðið það að ég myndi ekki koma aftur útaf ástandinu á Íslandi og fleiri höfðu greinilega fylgt með. Þegar ég lét svo sjá mig í skólanum fékk ég allavegana að sjá að fólk vill greinilega hafa mig hérna.. ég varð eiginlega smá hrærð :)
Einnig hef ég heyrt ýmsar lausnir á því hvernig ég á að borga skólann þannig að ég þyrfti ekki að hætta m.a. voru einhverjir að spá í að halda fjáröflun, sjálfboðastörf fyrir mína hönd og svo fékk ég eitt bónorð.. þar sem að ef ég giftist norskum ríkisborgara þá fæ ég rétt til að fá námslán. Þó mér hafi fundist þetta allt heldur róttækt.. nema bónorðið auðvitað.. þá ætla ég nú að reyna að redda þessu án þess að betla peninga eða gifta mig en það er alveg ótrúlegt hvað hlýjar mér að fólk sem ég þekki varla það vel sé til í að leggja svona mikið á sig fyrir mig.. 

í vikunni sem ég kom heim vorum við með "orientering".. ég veit, hljómar eins og eitthvað austurlenskt.. en er í raun það að okkur er hent út í skóg (látin hjóla, auðvitað) með áttavita, kort og 12 áfangastaði, sem við áttum að finna á tveimur tímum. Eftir spretthlaup, skokk, hopp, labb, haltur og sund (nánast í mýrinni sem var þarna..) sáum við Marina endastöðina í hyllingum. Eftir nánari athugun kom í ljós að þetta var ekki hylling heldur stóð kennarinn þarna, með stýrurnar í augunum eftir lúrinn í bílnum sínum, og tók á móti okkur. Hann skoðaði myndirnar sem við tókum af hverjum áfangastað og sendi okkur svo heim á leið, að sjálfsögðu hjólandi. Heita góða sturtan sem beið mín þegar ég kom heim var sú næst yndislegast á seinustu tveim vikum...
Yndislegustu sturtuna fékk ég þegar ég skreið upp stigann á mánudaginn eftir 26 km hjólaferð í GRENJANDI rigningu og mótvindi. Það sem merkilegt er að við hjóluðum hring.. en vorum með mótvind allan tímann. Rigningin byrjaði rétt áður en við lögðum af stað og var þá eins og helt væri úr fötu. Risa stórir dropar beint niður, korter inn í hjólaferðina byrjaði vindurinn og droparnir breyttust í högl sem boruðu sig inn í andlitið.. En eins og ég sagði.. YNDISLEG sturta! :)

Seinstu þrjá daga höfum við svo verið að dunda okkur við það að taka "fridykkingserfikat".. sem í beinni þýðingu er frjálsköfunarskírteinið :) Fyrsti dagurinn var bóklegur.. eða í raun bara maður að tala :)
Miðvikudaginn vorum við svo keyrð.. já KEYRÐ, í sundlaugina í Volda þar sem við fengum að æfa okkur að kafa. Laugin er fjögurra metra djúp þannig að þar var ýmislegt hægt að bralla. 
Einnig átti eitt af afrekum lýðháskólaársins sér stað þennan dag. Tvö stökk af fimm metra stökkbrettinu :)
Í fyrra skiptið náði ég að lenda snilldarlega á rassinum. Ég þakka fyrir að hafa verið í blautbúning þar sem að annars efast ég um að ég gæti setið í dag.. Af einhverjum ástæðum ákvað ég að prófa aftur og allt í gúddí. Merkilegt hvað svona stökkbretti virðast lægri þegar maður horfir neðan frá en niður frá þeim..:P 
Fimmtudeginum eyddum við svo í 9°C "heitum" sjónum, köfuðum eftir kröbbum og blýbeltum. Var í örlitlum erfiðleikum með þrýstinginn þegar maður er kominn lengra niður en vona að það lagist.. :) Þarna vorum við að kafa án súrefnis.. eða án auka súrefnis. Það tekur á að kafa með því að halda inn í sér andanum og eftir þessa tvo daga var ég alveg gjörsamlega búin á því.. Finnst yndilegt að vera þreytt útaf einhverju sem ég var að erfiða við í staðinn fyrir að vera svona langþreytt eins og maður á það til að vera eftir sjónvarpsglápið og kyrrsetuna heima. :)

Í dag var svo fituprósentumæling í einkaþjálfuninni og bóklega kennsla.
Ætlaði varla að þora í mælinguna en ætli það sé ekki ágætt að vita þetta bara :P Niðurstaðan kom reyndar örlítið á óvart þar sem ég bjóst við að ég væri byggð af 90% fituforða og 10% kóki :)... eða var það öfugt?

Á morgun sitjum við svo fyrirlestur um "Human Trafficing". Horðum á mynd um þetta í dag og það liggur við að manni kvíði fyrir fyrirlestrinum. Þetta er eitt það hryllilegasta sem ég get hugsað mér. Það er bara svo erfitt að átta sig á því hvernig mannskepnan getur verið svona illkvittin..

Æðislegt! Búin að blogga AFTUR.. þar sem ég var búin að skrifa álíka langt blogg áðan og var að fara að setja endapunktinn á þegar tölvan mín ákvað að það var ekkert sniðugt að hafa vafrann opinn lengur..
Afhverju lærir maður ekki? .. núna geymdi ég samt afrit af blogginu, þegar maður gerir það þá gerist auðvitað aldrei neitt.
Sat í sjónvarpsherberginu og blótaði tölvunni á íslensku. Fólkið hér hélt ég væri farin að tala tungum :P

Langar að lokum að deila með ykkur sem ekki hafið séð þetta í fréttunum á mbl.is. Ég ætla rétt að vona að þetta sé ekki álit allra norðmanna á íslendinum og þar á meðal yours truly...

http://www.youtube.com/watch?v=HvlDFKWRj0g

Kveðja
Olga verðandi Górilla á Halloween kvöldi á morgun :P
 

...ætlaði loksins að blogga. Byrjaði á því að reyna að setja inn myndir til að nota í bloggið, það er hingað til búið að taka klukkutíma og ég er ekki enþá viss um að það hafi tekist...

Þolinmæðin er á þrotum og ég er farin að sofa.. þar sem ég þarf að vakna klukkan 7 í fyrramálið til að skúra ganginn fyrir framan herbergið mitt.. úff

Mikið rosalega líður tíminn hratt hér! Bara örfáir dagar í haustfrí!